ललितपुर सहकारी संघको निर्वाचन विद्युतीय मेसिनबाट

ललितपुर खबर
२७ भदौं ०७९, ललितपुर । ललितपुर बचत तथा ऋण सहकारी संघको निर्वाचनमा विद्युतीय मेसिनको प्रयोग हुने भएको छ ।
जिल्लाको २८ औं साधारण सभाको नेतृत्व चयनका लागि आज १२ बजेबाट मतदान सुरु हुने निर्वाचन समितीका सदस्य तेजप्रसाद बजगाईले ललितपुर खबरलाई बताए । उनले भने, ‘हामीले अघिल्लो निर्वाचनमा पनि यही मेसिन प्रयोग गरेका थियो । यो पल्ट पनि राम लक्षमणले निर्माण गरेको मतदान मेसिन प्रयोग गर्दैछौं ।’ उनका अनुसार मतदान टुंगिएको १ घण्टाको सेरोफेरोमा मत परिणाम सार्वजनिक हुनेछ ।
संघको नयाँ नेतृत्वका लागि रामहरि बजगाई र नरेन्द्र महर्जनबीच प्रतिश्पर्धा हुने टुंगो लागेको छ ।
शनिबार चुनावी प्रक्रियाका लागि भएका उम्मेदवारी दर्तामा हेल्लो सहकारीका बजगाई र पानोरमा सहकारीका महर्जनले उम्मेदवारी दर्ता गराएसँगै प्रतिपर्धा टुंगो लागेको थियो ।
उम्मेदवारी दर्ता गरोउनेहरुमा उपाध्यक्षतर्फ रत्नाकर सहकारीका करुणारत्न बज्राचार्य, न्हाँकद सहकारीका कर्ण देशार रहेका छन् । पद्मावती सहकारीकी लक्ष्मी शाक्य र थ्याका सहकारीकी उज्ज्वला बज्राचार्य शाक्य छन् ।
सचिवमा लेखापढी सहकारीका श्यामकृष्ण महर्जन,करुणामय सहकारीका राजु ताम्राकार र दर्पण सहकारीका दीपक घिमिरे छन् । कोषाध्यक्षमा नवदुर्गा सहकारीका वसन्त माली र वसुवर्ण सहकारीका विभुशोन शाक्यको उम्मेदवारी परेको छ ।
यद्यपी आज आइतबार दिउँसोसम्म उम्मेदवारी फिर्ता लिने समय दिएकोले सर्वसम्मत नेतृत्व टुंगो लाग्न सक्ने सम्भावना भने अझैं टरेको छैन । पछिल्लो समय सहकारीमा तरलता समस्यका कारण निक्षेकर्ताको बचत फिर्ता नगर्दा समस्या श्रृजना भइरहेको सन्दर्भमा मिलेर नेतृत्व टुंगो लगाउदै समस्यासँग लड्नु पर्ने आवाज सहकारी बृत्तमा उठेको छ ।