ललितपुर खबर
२४ असोज ०७९ , ललितपुर । ललितपुरको ठेचोस्थित नवदुर्गा भवानीको बाह्र बर्षे जात्रा अन्र्तगत देश भोज आज दुरीखेलमा खुवाइएको छ ।
भोजमा हरेक घरका मुली सहभागी भएका थिए भने देवगणले कमलको पातमा एक एक परिकार पस्केका थिए ।
हरेक बाह्र बर्षमा मनाइने यो जात्रामा ठेचो र सुनाकोठीबासीलाई भोज खुवाइन्छ । साथै ठेचोमै सुनाकोठीबासीलाई समेत भोज खुवाइएको छ । भोजमा एक लाइन लस्करै बसेका थिए । बर्षाका कारण भोज कार्यक्रम केही ढिला गरेर सुरु भएको थियो ।
भोज हेर्न हजारौं स्थानीयबासी भेला भएका थिए । भोज दुरीखेलबाट झण्डै एक किलोमिटर टाढासम्म स्थानीयबासी लाइन बसेका थिए ।
भोजमा सहभागीहरुले विभिन्न परिकार पोको पारेर घर लगेर परिवारको साथमा खाने चलन छ ।
जात्रामा उर्जा तथा जलश्रोत तथा सिंचाईमन्त्री पम्फा भुसाल,ललितपुर महानगरका मेयर चिरिबाबु महर्जन,गोदावरी नगरपालिकाका मेयर गजेन्द्र महर्जनलगायत सहभागी भएका थिए ।
जात्रा आगामी चैत्रसम्म चल्लने नवदुर्गा भवानी गुठीले जानकारी दिएको छ ।
प्रतिक्रिया