दक्षिण ललितपुरको वगुवा प्युटार सडक कालोपत्र गरेकै भोलिपल्ट उप्केपछि…

ललितपुर खबर
२५ मंसिर ०७९, ललितपुर । दक्षिण ललितपुरको बगुवा आश्राङ ठुलादुलुङ हुँदै मानिखेल जोड्ने सडक कालोपत्र गरेकै भोलिपल्ट उप्केको छ ।
ो कालोपत्र गरेको भोलिपल्ट नै उप्केपछि स्थानीयले असन्तुष्टि जनाएका छन् ।
यस सडक गुणस्तरिय निर्माणमा सघाउन स्थानीय सरोकारवालाहरुले बनाएको उपभोक्ता स्तरिय अनुगमन समितीका संयोजक उत्तमकुमार थिङ गुणस्तरिय काम नभएपछि आफूहरुले अनुगमन गरेको बताए ।
उनले भने,‘यति मात्रै होइन ठाँउ ठाँउमा ड्रेन र पर्खाल भत्केको छ ।’ अन’गमन समितीले काम राम्रो भएन भनेर ठेकेदार र राज्य पक्षलाई रिपोर्ट दिएका छ ।
उनका अनुसार ठेकेदार कम्पनीले काम ढिला गरिरहेको छ । काम ढिला भएको कारण ठेक्का अवधि सकिन लाग्दा हत्तारमा काम गर्दा यस्तो भएको हो । १० मिलो मिटर सडक कालोपत्र गर्नु पर्नेमा अहिलेसम्म चार किलोमिटर मात्रै कालो पत्र भएको छ ।
अनुगमनका क्रममा ठाँउ ठाँउका कालोपत्र उप्केको अवस्था फेला परेको छ । ठेकेदार कम्पनीका इञ्जिनियर सुवेकुमार महतोले ठाँउ ठाँउमा कालोपत्र उप्केकोले फेरि कालोपत्र गरिने बताए । कालोपत्र उप्केपछि डिभिजन सडक कार्यालय ललितपुरबाट इञ्जिनियर र ल्याव टेक्निसियनको टोलीले अनुगमन गरेर फर्केको छ ।
यो सडक निवर्तमान प्रदेश सासंद चेतनाथ सञ्जेलको पहलमा वागमती प्रदेश सरकारले बहुबर्षिय योजनामा बगुवादेखि चन्दनपुरसम्म निर्माण गर्न लागेको हो । सडकको पहिलो ठेक्का बगुवादेखि प्युटारसम्मको १० किलोमिटर सडक करिव २५ करोड रुपैयाको ठेक्का अमर कन्ट्रक्सन पाएको थियो । ठेक्का अविधि पुस १७ गतेसम्म रहेको ठेकेदार कम्पनीका इञ्जिनियर सुशील आचार्यले बताए ।