उपप्रधान तथा गृहमन्त्रीमा रास्वपा अध्यक्ष लामिछानेको दाबी

११ पुस ०७९, काठमाडौं । सत्तागठबन्धनको तेस्रो ठूलो दल राष्ट्रिय स्वतन्त्र पार्टीले गृह मन्त्रालयमा आफ्नो दाबी पेश गरेको छ । संसद भवन परिसर, बानेश्वरमा बसेको सत्ता साझेदार दलहरुको बैठकमा पार्टीका सभापति रवि लामिछानेले उपप्रधान तथा गृहमन्त्रीमा दाबी गरेका हुन्।उनका अनुसार रास्वपाले भ्रष्टाचारको मुद्दा हेर्न अधिकार सम्पन्न संयन्त्र बनाउने, शिक्षा र स्वास्थ्यमा साझा विधेयक ल्याउने, विदेशमा रहेका नेपालीहरुलाई भोटिङ राइट दिने, उद्दारका लागि संयन्त्र बनाउने लगायतलाई कार्यक्रम बनाउनुपर्ने शर्त पनि राखेको छ ।