सन्दीप लामिछानेलाई २० लाख धरौटीमा रिहा गर्न उच्चको आदेश(पूर्णपाठसहित)

काठमाडौं, २८ पुस । बलात्कार अभियोग लागेका क्रिकेटर सन्दीप लामिछाने धरौटीमा रिहा भएका छन् । उच्च अदालत पाटनले धरौटीमा रिहा गर्न आदेश दिएको हो । न्यायाधीश रमेश ढकाल र ध्रुवराज नन्दको इजलासले लामिछानेलाई २० लाख रुपैयाँ धरौटीमा रिहा गर्न आदेश दिएको हो । लामिछानेले विदेश जान नपाउने आदेश भएको छ ।

एक नाबालिकालाई बलात्कार गरेको अभियोगमा जिल्ला अदालत काठमाडौंले उनलाई पुर्पक्षका लागि थुनामा पठाएको थियो । जिल्ला अदालतको आदेशविरुद्ध सन्दीपले उच्च अदालत पाटनमा पुनरावेदन गरेका थिए ।