घटेर आयो पेट्रोलियम पदार्थको मूल्य

काठमाडौं, ४ फागुन । भारतबाट पेट्रोलियम पदार्थको मूल्य घटेर आएको छ । भारतीय आयल कर्पोरेसन (आईओसी)ले नेपाल आयल निगमलाई पेट्रोलको मूल्य प्रतिलिटर १ रुपैयाँ ९७ पैसा घटाएर पठाएको छ । त्यस्तै डिजेलको मूल्य प्रतिलिटर ६ रुपैयाँ ४० पैसा घटाएर पठाएको आएको निगमले जनाएको छ ।

आईओसीले निगमलाई १५÷१५ दिनमा इन्धनको नयाँ मूल्य सूची पठाउने गर्छ । विगतमा भएको सञ्चित नोक्सानीका कारण निगमले सरकारबाट ७ अर्ब ऋण लिएको छ भने आईओसीलाई करिब ११ अर्ब बक्यौता तिर्न बाँकी रहेको निगमले जनाएको छ ।