चापागाँउको प्रहरी बृत्तनजिकै आठौं शताव्दीको बुद्धको मूर्ति चोरी

चापागाँउ
ललितपुरको चापागाँउमा महानगरिय प्रहरी बृत्तसँगै रहेको आठौं शताव्दीको ऐतिहासिक पुरातात्विक बुद्धको मूर्ति चोरी भएको छ ।
महानगरिय प्रहरी बृत्त चापागाँउको करिव ३ सय मिटर दुरीमा रहेको चैत्यमा राखिएको बृद्धको मूर्ति चोरी भएको हो । चापागाँउ पुरानो वसपार्कसँगै मोती पुस्तकालय आडमा रहेको मूर्ति स्तुपा भत्काएर चोरी भएको स्थानीय सुरज श्रेष्ठ बताउछन् । वसपार्कमा रातको समयमा प्रहरीको ड्युटी समेत हुने कडा सुरक्षा भएकै ठाँउमा ऐतिहासिक पुरातात्विक मूर्ति चोरी भएको हो ।
बुधबार रातको समयमा स्तुपामा रहेको बुद्धको मूर्ति चोरी भएको महानगरिय प्रहरी बृत्त चापागाँउका डिएसपि कृष्णकुमार चन्दले ललितखबरलाई जानकारी दिएका छन् । उनका अनुसार चोरीका सम्बन्धमा अनुसन्धान भइरहेको छ ।
चैत्य ईस्वी संवत् ८२७ मा स्थापना गरिएको शिलालेखमा उल्येख छ ।