कोटेश्वरमा मोटरसाइकल दुर्घटना, चाँगुनारायणका मधुकर बालाको मृत्यु

काठमाडौं, २३ फागुन । काठमाडौं कोटेश्वरमा मोटरसाइकल दुर्घटना हुँदा भक्तपुरका एक जनाको मृत्यु भएको छ।
काठमाडौं महानगरपालिका–३२ कोटेश्‍वरमा प्रदेश ३–०२–००९ प ७००६ नम्बरको मोटरसाइकल अनियन्त्रित भएर दुर्घटनामा परेको प्रहरीले जनाएको छ।
दुर्घटनामा भक्तपुर चाँगुनारायण नगरपालिका–५ ताथली बस्ने ४२ वर्षीय मधुकर बालाको मृत्यु भएको हो।
दुर्घटनामा गम्भीर घाइते भएका उनको काठमाडौं मेडिकल कलेज सिनांमगलमा उपचारको क्रममा मृत्यु भएको प्रहरीले जनाएको छ।
साथै दुर्घटनामा घाइते भएकी मोटरसाइकलमा सवार अन्य १ जना महिलाको सोही अस्पतालमा उपचार भइरहेको छ।