कौडा खेल्ने नौ जना पक्राउ

काभ्रे
२३ फागुन । धुलिखेल नगरपालिका ३ स्थित ग्रेस होटलमा कौडा खेलिरहेको अवस्थामा ९ जना पक्राउ परेका छन् ।
प्रहरीका अनुसार धुलिखेल ५ बस्ने २७ वर्षीय महेन्द्र दाहाल समेत ९ जनालाई सोमबार राति प्रहरीले पक्राउ गरेको हो ।
उक्त होटलमा कौडा खेलिरहेको विशेष सूचनाका आधारमा जिल्ला प्रहरी कार्यालय काभ्रेबाट खटिएको प्रहरीले उनीहरूलाई नगद १ लाख ७३ हजार ३२ रुपैयाँ र १६ थान कौडा सहित फेला पारी पक्राउ गरेको थियो ।
घटनाका सम्बन्धमा प्रहरीले आवश्यक अनुसन्धान गरिरहेको बताएको छ ।