ललितपुरबाट डाक्टरको स्वीकृती बिना औषधी खरिद बिक्रिको आरोपमा १४ जना पक्राउ

ललितपुर
२६ फागुन । डाक्टरको स्वीकृती बिना औषधी खरिद बिक्रिको आरोपमा ललितपुरबाट १४ जना पक्राउ परेका छन् ।
जिल्ला प्रहरी परिसर ललितपुरका अनुसार औषधि खरिद विक्रिमा संलग्न भक्तपुर सल्लाघारी बस्ने २६ वर्षीय किशोर विक र कुसुन्ती बस्ने २७ वर्षीय भुवन ताम्राकारलाई पसल सञ्चालक लक्ष्मण सुब्बालगायत पक्राउ परेका हुन् ।
उनीहरु ललितपुर महानगरपालिको ४ नख्खुदोबाटोस्थित गोल्डेन गेट पोलिक्लिनिक एन्ड डायबेटिज सेन्टर प्रालिको ‘फार्मेसी युनिट’बाट पक्राउ परेका हुन् ।
उनीहरुले अनुसन्धानका क्रममा औषधिको बढी मूल्य बिक्री वितरण गरेको डाक्टरको सिफारिस नलिएको खुलेकोे बताइएको छ ।
औषधि लागू औषधको रुपमा प्रयोग हुने आशंका गर्दै प्रहरीले अनुसन्धान अघि बढाएको छ ।
थप अनुसन्धानका लागि उनीहरूलाई लागु औषधी व्यवस्था विभाग बबरमहलमा पठाएको छ ।