ललितपुरको नख्खु खोलामा थुम्बा मृत फेला

काठमाडौं
७ चैत । ललितपुरको नख्खु खोलामा एक पुरुष मृथ अवस्थामा फेला परेका छन् ।
प्रहरीका अनुसार ललितपुरको ललितपुर महानगरपालिका सुनाकोठी २६ नख्खुखोलास्थित टहरामा बस्ने तेह्रथुम घर भएका ४५ वर्षीय पूर्णबहादुर थुम्बा सोही टहरामा आइतबार मृत अवस्थामा फेला परेका हुन् ।
साथै राजधानी काठमाडौंमा थप तीन जना मृत भेटिएको प्रहरीले सोमबार जानकारी दिएको छ ।
मृत फेला पर्नेहरुमा काठमाडौं महानगरपालिका १३ टेकु पुलमुनी पानीमा हाल नाम, थर, वतन नखुलेका अन्दाजी ४२ वर्षीय पुरुष आइतबार मृत अवस्थामा फेला परेका छन् ।
यसैगरी काठमाडौंको दक्षिणकाली नगरपालिका २ कोरीबाहाल बाग्मती खोलाको बिचमा हाल नाम, थर, वतन नखुनेका अन्दाजी ४० वर्षीय पुरुष आइतबार मृत अवस्थामा फेला परेका छन् । काठमाडौंको गोकर्णेश्वर नगरपालिका १ सुन्दरीजल घर भई हाल काठमाडौं
महानगरपालिका ६ नयाँबस्ती पाटीटार डेरा गरी बस्ने ३४ वर्षीय तारा पोखरेल आफ्नै कोठामा आइतबार मृत अवस्थामा फेला परेकी छिन् ।