ठेचो बस्तीलाई ऐतिहासिक नामाकरण गर्दै स्थानीय युवा

अव ठेचोको बस्तीका नाम देयचा, बटुव,सुनागु,दुरु ख्य,क्वयु लाछी,खलबजस्ता रहनेछ

ललितखबर
१६ चैत्र । ललितपुर ठेचोका स्थानीय युवाहरु आफ्नो टोल बस्तीको ऐतिहासिक नामाकरणमा जुटेका छन् ।
पछिल्लो समय ऐतिहासिक नेवारी बस्तीमा आधुनिक नाम चलनचल्तीमा आउन थालेपछि आफूहरु लाई चित्त दुखेको स्थानीय धर्मेन्द्र महर्जन बताउछन् । उनले भने, ‘ठेचोको बास्तविक बस्ती देयचा नजिकको वटुवलाई अहिले सिभिल होम बनाइएको छ । ऐतिहासिक नाम मेटिने डर बढेको हुँदा हामीले बोर्ड राखेर पुरानो नाम संरक्षण गर्न लागेका हौं ।’
अव ठेचोको बस्तीका पुरानो नाम देयचा, बटुव,सुनागु,दुरु ख्य,क्वयु लाछी,खलबजस्ता नामले चिनिले भएको छ ।
ठेचोको बस्तीअघि सिभिलहोम अपोजिट ढल्केश्वर महादेव मन्दिर आसपास देयचामा बस्ती थियो । पछि मात्रै यो बस्ती माथि सरेको थियो । अहिले पनि यहाँ घर बनाउने क्रममा जग खन्ने क्रममा ऐतिहासिक भग्नावशेष भेटिने स्थानीय बताउछन् ।
गोदावरी नगरपालिका १२ को २ लाख बजेटमा १५ वटा वोर्ड राखिएको हो ।
नगरपालिकाले स्थानीय रिक्वेष्ट महर्जनको संयोजकत्वमा उपभोक्ता समिती बनाएर ऐतिहासिक नामाकरण गरेको बताइएको छ ।