डलर देखाइ लुटपाटको आरोपमा चापागाउँ बस्ने सुरेशसहित ५ जना पक्राउ

काठमाडौं

२२ चैत । प्रहरीले काठमाडौं उपत्यकाभित्र विभिन्‍न ६ स्थानमा अमेरिकी डलर देखाइ लुटपाट गरेको आरोपमा ५ जनालाई पक्राउ गरेको छ ।

पक्राउ पर्नेमा धादिङको नीलकण्ठ नगरपालिका ७ घर भई हाल ललितपुरको चापागाउँ बस्‍ने ३२ वर्षीय सुरेश कोइराला, सिन्धुपाल्चोकको बाह्रबिसे नगरपालिका ५ सिङ्गेचौर घर भई गोकर्ण नाम्गेल बस्‍ने २४ वर्षीय विकास तामाङ, धनकुटाका बेलारा घर भई ३२ वर्षीय दिपक दमाइ, सिन्धुपाल्चोकको बाह्रबिसे ५ सिंगाचैकै ३८ वर्षीय साजन तामाङ र बाह्रबिसेकै सिखोरङका ३५ वर्षीय प्रेम बहादुर तामाङ रहेका छन् ।

काठमाडौं उपत्यका अपराध अनुसन्धान कार्यालयको टोलीले उनीहरुलाई पक्राउ गरेको हो ।