चलचित्र ‘प्रसाद २’को प्रदर्शन बैशाख १५ बाट

उच्च अदालत पाटनको अल्पकालीन अन्तरिम आदेशका कारण रोकिएको चलचित्र ‘प्रसाद २’ रोक्नु नहुने अन्तरिम आदेशपछि चलचित्र प्रर्दशनको बाटो खुलेको थियो

२९ चैत्र । चलचित्र ‘प्रसाद २’को प्रदर्शन आउँदो बर्षको बैशाख १५ बाट हुने भएको छ ।
चैत्र २४ गते उच्च अदालत पाटनको अल्पकालीन अन्तरिम आदेशका कारण रोकिएको चलचित्र ‘प्रसाद २’ रोक्नु नहुने अन्तरिम आदेशपछि चलचित्र प्रर्दशनको बाटो खुलेको थियो ।

निर्देशक सुदर्शन थापाले बैशाखको १५ गतेबाट देश र विदेशमा प्रर्दशन हुने बताएका छन् ।

चलचित्रमा विपिन कार्की, केकी अधिकारी, अर्पण थापा, महेश त्रिपाठीलगायतले अभिनय गरेका छन् ।

चलचित्रको ट्रेलर सार्वजनिक भएपछि दर्शकको चलचित्रको प्रर्दशनप्रति चासो र रुचि बढेको छ ।