दिपकराज गिरी विकाश बोर्ड अध्यक्ष भुवन केसीसँग आक्रोसित

२९ चैत्र ।चलचित्रको व्यापार आकडाको विषयलाई लिएर दिपकराज गिरी विकाश बोर्ड अध्यक्ष भुवन केसीसँग आक्रोसित बनेका छन् ।
चलचित्र विकाश बोर्डले सार्वजनिक गरेको नेपाली चलचित्रहरुको व्यापारसम्बन्धि रिपोर्टमा अभिनेता तथा निर्माता दिपकराज गिरीले गम्भिर आपत्ती जनाएका हुन् ।
सामाजिक सञ्जालमा गिरीले तल्लो स्तरको भाषा प्रयोग गर्दै विकाश वोर्डको अध्यक्षप्रति आक्रोस पोखेका हुन् । उनले लेखेका छन्, ‘यो अध्यक्ष आएपछि जताततै लफडै लफडा छ हाम्रो क्षेत्रमा ।’
बोर्डले हालै प्रकाशन गरेको रिपोर्टमा प्रर्दशनमा रहेकोे चलचित्र छक्का पञ्जा ४ ले १६ करोड ९४ लाख ३४ हजार ६ सय ३४ ग्रस कलेक्शन गरेको रिपोर्ट सार्वजनिक गरेको थियो । यो रिपोर्ट दोश्रो धेरै कलेक्सन भएको रिपोर्ट हो ।
यस बर्ष रु २१ करोड ३८ लाख १३ हजार चार सय ६२ ग्रस व्यापार गरेर सबैभन्दा धेरै व्यापार गरेको चलचित्र भएको उल्येख छ ।
अभिनेता तथा आफ्ना छोरा अनमोल केसीद्वारा अभिनित छड्के २ निर्माता दिपकराज गिरीको चलचित्रसँग जुधाएर प्रर्दशन गरिएसँगै दुवैबीचको सम्बन्धमा खटपट आएको अनुमान सिनेबजारमा गरिएको छ । अनमोल केसीको चलचित्र छड्के २ सुपर फ्लप भएपछि उनले दर्शकसँग माफी समेत मागेका थिए ।
छक्का पञ्जा ४ ले ५० दिनदेखि बक्स अफिसमा तहल्का मच्चाइरहेको छ ।