मैले मेरो ब्लाइन्ड र ब्याटल राउन्ड सिध्याइ सकें । अब म लाईभ सो भोटिङ राउन्डमा पुगेको छु
९ वैशाख । सिङ्गिङ रियालिटी सो ‘द भ्वाइस किड्स नेपाल २’ का भोटिङ राउण्डमा पुगेकी बालगायिका परिश्ना बास्तोलाले भोटिङका लागि अपिल गरेकी छन् ।
रिपोर्टर्स क्लब नेपालमा आयोजित पत्रकार सम्मेलनमा उनले दर्शकहरु माझ भोटिङको अपिल गरेकी हुन् । उनले खल्ती एप्समार्फत कोच सुशान्त केसीमा गएर आफूलाई भोट गर्न सक्नेउनले बताएकी हुन् ।
‘मैले मेरो ब्लाइन्ड र ब्याटल राउन्ड सिध्याइ सकें । अब म लाईभ सो भोटिङ राउन्डमा पुगेको छु । अब मलाई तपाईँहरुको सपोर्ट चाहिन्छ । प्लिज मलाई भोट गरिदिनु होला’ उनले भनिन् । उनलाई खल्ती एप्सको माध्यमबाट भोट गर्न सकिन्छ ।
मोडल एवं कोरियोग्राफर दिक्पाल कार्कीले परिश्नालाई उत्कृष्ट कलाकार र प्रतिभाको रूपमा चित्रण गरे । परिश्नामा एउटा कलाकारमा हुनुपर्ने सबै प्रकारका गुण रहेको उनको तर्क छ ।
द भ्वाइस किड्स नेपाल हिमालयन टेलिभिजनबाट हरेक साताको शुक्रबार र शनिबार बेलुका ८ बजेबाट प्रशारण हुने गर्दछ । भोटिङ राउण्ड शुक्रबार बेलुकाबाट सुरु भएको छ ।
प्रतिक्रिया