माग्ने बुढा भन्छन्, ‘छक्का पञ्जा ४ को प्रचार गरिएनछ’

कसैलाई पनि सिधा आलोचना गरेर विवादमा आउन नचाहने माग्नेबुढाको व्यङ्यपूर्ण भनाई सुनेर कार्यक्रममा उपस्थित दर्शक र पत्रकार हासेको थिए

ललितखबर
११ बैशाख । छक्का पञ्चा चलचित्रका कलाकार केदार घिमिरे(माग्नेबुढा)ले चलचित्र छक्का पञ्जा चलचित्रको प्रचार नगरिएको भन्दै दुःखी बनेका छन् ।
चलचित्रले ५१ दिन मनाएको अवसरमा आयोजित विशेष कार्यक्रममा एक जना चिने जानेका व्यक्तिले तपाई आजक के गर्नुहुन्छ भनेर सोधेपछि चलचित्रको राम्रो प्रचार नभएको पत्ता लागेको प्रसंग सुनाएका छन् ।
उनले चलचित्र राम्रो नभएको लेख्ने पत्रकारलाई धन्यवाद समेत दिए । ‘त्यही राम्रो नभएको समाचार पढेर दर्शक हलसम्म पुगेर चलचित्र हेरेर फर्केको मैले थाहा पाए ।’ उनले ठट्यौली पारामा भने ।
राम्रो चलचित्र निर्माण गर्नसके प्रचार नगरे पनि चल्ने उनको आसय दियो । कसैलाई पनि सिधा आलोचना गरेर विवादमा आउन नचाहने माग्नेबुढाको व्यङ्यपूर्ण भनाई सुनेर कार्यक्रममा उपस्थित दर्शक र पत्रकार हासेको थिए ।