आजबाट तीन चलचित्र प्रर्दशनमा आउदै

आजबाट  चलचित्र ‘प्रसाद २’, ‘नाइँ नभन्नू ल ६’ र ‘कैदीको पत्र’ प्रदर्शन हुँदैछन्

१५ बैशाख । आजबाट देशभरका चलचित्र भवनमा तीन चलचित्र ‘प्रसाद २’, ‘नाइँ नभन्नू ल ६’ र ‘कैदीको पत्र’ प्रदर्शन हुँदैछन् । दुई ठूला व्यानरबाट निर्माण भएका चलचित्र ‘प्रसाद २’ र ‘नाइँ नभन्नू ल ६’ले देशभरका हलमा राम्रो शो पाएका छन् । तर ‘कैदीको पत्र’को थोरै शो पाएको छ ।

‘कैदीको पत्र’लाई क्यूएफएक्स हलले कुनै शो नै दिएको छैन ।

गत चैत २४ गते प्रर्दशनमा आउन लागेको चलचित्र ‘प्रसाद २’ अदालतमा मुद्दा परेपछि अन्तिम सुनुवाईपछि प्रर्दशन मिती आजलाई सरेको थियो ।

वैशाख १ प्रर्दशन मिती तोकिएको चलचित्र ‘नाइँ नभन्नू ल ६’ पनि सरेर आज आइपुगेको हो ।
यसअघि नै प्रिमियर गरेको चलचित्र ‘प्रसाद २’ले राम्रो प्रतिकृया पाएको छ । ‘कैदीको पत्र’ र ‘नाइँ नभन्नू ल ६’ले आज प्रे’ शो राखेका छन् ।