ललितपुरको तिखेदेवल र काठमाडौंको कलंकीमा दुई जनाको मृत्यु

१६ वैशाख । काठमाडौंको कलंकी खसीबजार र ललितपुरको तिखेदेवलमा एक एक जना गरी दुई जनाको मृत्यु भएको छ ।
प्रहरीका अनुसार काठमाडौंको काठमाडौं महानगरपालिका १४ कलंकी खसीबजार पुल मुनी रामेछाप पकरवास गाउँपालिका ५ घर भएकी ४५ वर्षीया मिठ्ठु भुजेल शनिबार मृत अवस्थामा फेला परेकी छिन् ।
ललितपुरको ललितपुर महानगरपालिका १४ तिखिदेबल डेरा गरी बस्ने भोजपुर आमचोक घर भएका ३२ वर्षीय सिताराम राई आफ्नै कोठामा शनिबार मृत अवस्थामा फेला परेका छन् ।
घटनाहरुका सम्बन्धमा प्रहरीले थप अनुसन्धान गरिरहेको जानकारी दिएको छ ।