सिद्धिपुर शितलहाईटबाट लागू औषध सहित दुई जना पक्राउ

पेम्बा शेर्पाले संचालन गरेका रेस्टुरेन्टबाट लागू औषध कारोबार हुदै आएको सुचनाको आधारमा प्रहरीले गाँजा र नगद बरामद गरी बिमला थापा क्षेत्री र शेर्पालाई पक्राउ गरेको हो

१७ बैशाख । ललितपुरको महालक्ष्मी ६ सिद्धिपुर शितलहाईटमा रहेको शेर्पा कटेज एण्ड रेस्टुरेन्टबाट प्रहरीले लागु औषधसहित दुई जना पक्राउ गरेको छ ।
पेम्बा शेर्पाले संचालन गरेका रेस्टुरेन्टबाट लागू औषध कारोबार हुदै आएको सुचनाको आधारमा प्रहरीले गाँजा र नगद बरामद गरी बिमला थापा क्षेत्री र शेर्पालाई पक्राउ गरेको हो ।
प्रहरीका अनुसार शितलहाईट स्थित कृष्ण महर्जनको जग्गा भाडामा लिएर दोलखा बिगु ७ घर भएकी बर्ष ४५ की पेम्बा शेर्पा रेष्टुरेण्ट सञ्चालन गरेको स्थानबाट सो लागू औषध गाँजा बरामद गरिएको हो ।
मकवानपुर फापरबारी घर भई महालक्ष्मी नगरपालिका ६ बस्ने बर्ष ३५ की बिमला थापा क्षेत्री तथा पेम्बा शेर्पा बस्ने सुत्ने कोठा भित्र रहेको बक्सपलङको बक्सा भित्र बिक्री बितरणको लागी तयार गरिएको लागु औषध गाँजा जस्तो देखिने ८३ वटा कागजको पोका र बिमला थापा क्षेत्री सुत्ने ओछ्यान माथिबाट प्लास्टिकको झोला भित्र गाँजा जस्तो देखिने ४७ वटा पोका गरी जम्मा १३० पोकामा ६ के.जि.६०० ग्राम लागु औषध गाँजा, एक लाख चौध हजार दुई सय तिस रुपैया र स्यामसुङ मोबाईल थान १ प्रहरीले बरामद गरेको छ ।
उनीहरुमाथि लागु औषध सम्बन्धी कसुर मुद्धा शिर्षकमा जिल्ला अदालत ललितपुरबाट ७ दिन म्याद थप भई अनुसन्धान कार्य भईरहेको प्रहरीले जानकारी दिएको छ ।