सात रंग पत्रकार पुरस्कृत हुँदै

१७ बैशाख । चलचित्र क्षेत्रको समाचार सम्प्रेषण गर्ने सात जना रंग पत्रकारहरु पुरस्कृत हुने भएका छन् ।

चलचित्र पत्रकार संघको २४ औं बार्षिकोत्सवको अवसरमा राजधानीमा जेठ ७ गते उनीहरुलाई पुरस्कृत गरिने चलचित्र पत्रकार संघले जानकारी दिएको छ ।

आज बसेको चलचित्र पत्रकार संघको केन्द्रिय समितीको बैठकको निर्णय अनुसार राष्ट्रिय चलचित्र पत्रकारिता पुरस्कारबाट दीपज्योती थापा र कुवेर डंगोल पुरस्कृत हुने भएका छन् ।

राष्ट्रिय चलचित्र पत्रकारिता रजत सम्मान शान्तिप्रियलाई प्रदान गरिदैछ भने राष्ट्रिय चलचित्र पत्रकारिता सम्मान श्रीराम सिग्देल र तुलसी गिरी भावुकलाई दिइने भएको छ ।

राष्ट्रिय चलचित्र पत्रकारिता प्रोत्साहन पुरस्कार श्रृष्टि पोखरेलले पाउदैछिन् भने राष्ट्रिय मोफसल चलचित्र पुरस्कार रवि अधिकारीले पाउने भएका छन् ।