चलचित्र ‘परस्त्री’को पोस्टर सार्वजनिक

२२ बैशाख । चलचित्र ‘परस्त्री’को पोस्टर सार्वजनिक गरिएको छ । यही असार १५ गतेबाट प्रदर्शन हुने चलचित्र आज सार्वजनिक गरिएको हो । यस चलचित्रमा कलाकारहरु कोशिस क्षेत्री, शिल्पा मास्के, गौरव बिष्ट, अलिसा क्षेत्री र आशान्त शर्माको अभिनय रहेको छ ।

डीएस डिजिटलको ब्यानरमा निर्माण भएको यस चलचित्रमा शर्मिला पाण्डे र दीपेन्द्र के खनालले निर्माण गरेका हुन् ।
काठमाडौं र मुस्ताङमा छायांकन गरिएको यस चलचित्र विवाहपछिको पारिवारिक सम्बन्धको विषयमा निर्माण गरिएको बताइएको छ ।
शुक्रबार ३ पोस्टर सार्वजनिक गरिएको छ । पोस्टरहरुमा अभिनेत्री शिल्पा मास्केलाई कोशिस क्षेत्री र गौरव विष्टलाई प्रमुख बनाइएको छ ।
नेपालीसँगै हिन्दीमा पनि रिलिज हुने सिनेमाको हाल भारतको मुम्बईमा प्राविधिक काम भैरहेको छ । सिनेमाको प्राविधिका काम र रिलिजको चाँजो पाँजो मिलाउन यतिबेला निर्देशक सुरज पाण्डे र निर्मात्री शर्मिला पाण्डे मुम्बईमा छन् ।