गायिका समिक्षा भन्छिन्, ‘ज्यानको सुरक्षा गर्न मुद्दा हाले, नायक पल शाहको माया लागेर बयान फेरे’

मलाई पल शाहको टिमबाट ज्यान मार्ने धम्की आयो । म बालकै थिए । ज्यानको सुरक्षाका लागि मुद्दा हाल्नु प¥यो

२४ बैशाख । गायिका समिक्षा अधिकारीले आफूले नायक पल शाहलाई निर्दोष सावित गर्न आफूले बयान फेरेको दावी गरेकी छिन् ।
एक टेलिभिजन कार्यक्रममा बोल्दै आफू गलत नभएको बताएकी छिन् । उनले आफूले ज्यानको सुरक्षाका लागि मुद्दा हाल्ने अवस्थामा पुगेको समेत स्प्रष्टिकरण दिएकी छिन् । उनले भनिन्, मलाई पल शाहको टिमबाट ज्यान मार्ने धम्की आयो । म बालकै थिए । ज्यानको सुरक्षाका लागि मुद्दा हाल्नु प¥यो ।’ आफूसँग अरु विकल्प नरहेको उनको भनाई छ । आफूले मायाँ गरेको मान्छेको नराम्रो नहोस् भनेर बयान फेरेको बताएकी छिन् ।
उनले आफूले नायक शाहलाई मायाँ गरेको र मुद्दा हाल्नु अघिसम्म नायक पल शाहले मायाँ गरेको उनको भनाई छ ।
उनले अन्र्तवार्ताका क्रममा धेरै पल्ट आत्महत्याको प्रयास गरेको खुलाएकी छिन् । उनलाई नायिका स्वस्तिमा खड्का र गायन क्षेत्रका अर्जुन पोखरेललगायतले साथ दिएको जवाफ फर्काएकी छिन् ।
घटनाको अवधिमा उनका धेरै गीतहरु संगीतकारले हटाएको, मेला महोत्सवमा निम्ता आउने क्रम घटेको र स्टेज कार्यक्रममा समेत ढुंगा हानेर आक्रमण गरिएको दुखेको पोखेकी छिन् ।
बलात्कारको विषयमा सञ्चारमाध्यमहरुमा समाचार आएपछि आफूले पललाई बचाउन सँगै बसेर बलत्कार घटना ढाकछोप गर्न चाहेको उनको भनाई छ । उनले पलको अझै मायाँ लाग्ने खुलासा गरेकी छिन् ।
समिक्षाले पल शाहको टिममा रहेका मान्छेहरुले आफूविरुद्ध षड्यन्त्र गरेको आरोप लगाएकी छिन् ।
केही समयअघि गायिका समिक्षा अधिकारीले बलत्कारको आरोपमा अभिनेता पल शाहमाथि मुद्दा हालेकी थिइन् । अभिनेता पल शाह जेल परेपछि मुद्दाकै क्रममा अधिकारीले बयान फेरेपछि अभिनेता शाह एक बर्षपछि जेलमुक्त भएका हुन् ।
गएको ४ दिनअघि उनले निकै ठूलो हिम्मतको साथ टेलिभिजन कार्यक्रममा बोलेको भन्दै स्टाटस सामाजिक सञ्जालमा पोष्ट गरेकी थिइन् ।

उनले आफूलाई कसैले आएर कहिल्यै सोध्न नै नचाहेको काल्पनिक कथाहरु बनाइयो, चलचित्रका कथा झैँ हजार कथाहरु बनाएको, गलत देखाएको, बोल्न पनि नदिएको बताएकी छिन् ।