पाटन अस्पतालमा तीन दिनको शिशुको ट्युमरको सफल शल्यक्रिया

ललितपुर, २५ वैशाख । ललितपुरस्थित पाटन अस्पतालमा तीन दिनको शिशुको ट्युमरको सफल शल्यक्रिया गरिएको छ । वैशाख १८ गते जन्मिएको शिशुको कम्मरभन्दामुनि १२ सय ग्रामको ट्युमर देखिएपछि वैशाख २१ गते शल्यक्रिया गरिएको न्युरोसर्जन डा. रुपेश राउतले जानकारी दिए ।
ट्युमरको शल्यक्रिया न्युरोसर्जन प्रा. डा. प्रकाश विष्ट, डा. राउत, डा. दिनुज श्रेष्ठ, प्लास्टिक सर्जन डा. प्रयुष चन्द, एनेस्थेसिया लगायतको टिमले गरेको हो । पाटन अस्पतालमा न्युरोसर्जरी विभाग सुरु भएको एक वर्षमा १३५ वटा सफल शल्यक्रिया भइसकेको डा. राउतले बताए ।