२९ बैशाख । जन्मदिनमा तपाई आफ्नो प्यारो मान्छेलाई के उपहार दिनु हुन्छ ? धेरैले महँगा र राम्रा बस्तु आफ्नो मान्छेलाई उपहार दिएर शुभकामना साट्छन् ।
तर ललितपुरको एक क्याफेमा गीतकार जश्मिन श्रेष्ठले आफ्नी दिदी पूजा गुरुङलाई जन्मदिनको अनौठो उपहार दिएकी छिन् ।
दिदी पुजा गुरुङको जन्मदिनको अवसर पारेर गीतकार जश्मिन श्रेष्ठले ‘जन्मदिनको शुभकामना’ सहित सुमधुर गीत अर्पण गरिन् । जसमा अभिनेत्री नीता ढुंगाना र मोडल रमेश विश्वकर्माले अभिनय गरेका छ ।
उनको जन्मदिनको अवसर पारेर म्युजिक भिडियो प्रर्दशनसँगै केक काटिएको थियो । स्याम्पेन फोरिएको थियो ।
‘शुभकामना’ बोलको गीत सार्वजनिक गरेकी छिन् । आफ्नी दिदी उपहार दिदै जश्मिनले यो गीत तयार पारेकी हुन् । बहिनीको तर्फबाट गीत नै उपहार पाएपछि दिदी पूजा गुरुङले खुशी व्यक्त गरिन् ।
गीतमा अर्जुन पोखरेलको संगीत, प्रताप दासको स्वर रहेको छ । भिडियोमा निर्देशक माइकल चन्दले नीता र रमेशलाई दिदी भाइको रुपमा प्रस्तुत गरेका छन् । तर, उनले भिडियोमा दिएको सरप्राइजलाई उपस्थित संचारकर्मी र अन्य मानिसहरुले रुचाएका थिए ।
नवराज उप्रेतिको छायांकनमा तयार भएको भिडियोमा शिलन लम्सालको सम्पादन छ । यो गीतले जन्मदिनको अवसरमा कसैलाई शुभकामना दिदा देखिएको गीतको अभावलाई पूर्ती गर्ने विश्वास गीतकार जश्मिनको छ ।
नायिका नीता ढुंगानाले सधै भरी गुञ्जने गीतमा मोडलिङ गर्न पाउँदा खुशी लागेको बताइन् । यस्तै, संगीतकार अर्जुन पोखरेलले कुनै विदेशी गीतलाई विस्थापित गर्न भन्दा पनि आफ्नै भाषाको जन्मदिनको गीत स्थापित गर्न तयार पारेको बताए ।
प्रतिक्रिया