शेषमति खोलामा बस र मोटरसाइकल खस्यो, मोटरसाइकल चालकको मृत्यु

काठमाडौं, ३ जेठ । काठमाडौँ तार्केश्वर नगरपालिकास्थित शेषमति खोलामा बस र मोटरसाइकल खस्दा १० जना घाइते भएका छन् ।

जिल्ला प्रहरी परिसर काठमाडौँका एसपी सीताराम रिजालका अनुसार बा ३ ख ६३६७ नम्बरको बस र बा ४९ प ७०१ को मोटरसाइकल दुर्घटनामा परेको हो । घाइते मध्ये ६ जनाको पिपल्स अस्पताल नयाँ बजार र बाँकीको ग्रिनसिटी अस्पतालमा उपचार भइरहेको छ । बसको ठक्करबाट घाइते  मोटरसाइकल चालक जोगेन्द्रप्रसाद गुप्ताको ग्रिन सिटी अस्पतालमा उपचारको क्रममा मृत्यु भएको  छ ।