काठमाडौँ पठाइयो मेलम्चीको पानी

१७ जेठ । मेलम्चीको खानेपानी आयोजनाको मर्मतपछि पानी काठमाडौँ पठाइएको छ । यही जेठ ६ गतेदेखि मर्मतका लागि आयोजना बन्द गरिएको थियो ।
हेलम्बु गाउँपालिका १ स्थित मेलम्ची खानेपानी आयोजनाको सुरुङ, २०७८ असारको बाढीले क्षति पु¥याएको हेडवर्क्सलगायत संरचनाको मर्मतका लागि बन्द गरिएको पानी सोमबार साँझदेखि काठमाडौँ पठाइएको आयोजनाका सिनियर डिभिजनल इन्जिनियर पदमबहादुर कुँवरले जानकारी दिएका छन् ।
मेलाम्चीको पानी वितरण नहुँदा राजधानीमा खानेपानीको हाहाकार हुने गरेको छ । अघिल्लो बर्ष मेलाम्चीमा आएको बाढीका कारण मुहान क्षेत्रबाट नियमित खानेपानी पठाउन समस्या छ ।
बर्षाको भेल आउने समयमा मेलाम्चीको पानी बन्द गर्ने गरिएको छ ।