‘हामीसँग देश विकाशको मास्टर प्लान छ’

पार्टीले गरेको कामको प्रचार पनि राम्रोसँग हुन सकेको छैन । काम राम्रो भएको छ । तर हामीले प्रचार गर्न सकेनौं जानेनौं

महेश बस्नेत
ललितपुरमा नेकपा एमालेसँग भावनात्मक रुपमा जोडिएको ठूलो पंक्ती छन् । यो ऐतिहासिक रुपमा पनि कम्युनिष्टको विरासत भएको ठाँउ हो । तुलसीलाल अमात्यजस्तो कम्युनिष्ट आन्दोलनको धरोहर जन्मेको हुर्केको ठाँउ भएकाले ललितपुर नेकपा एमालेका लागि महत्वपूर्ण ठाँउ हो ।
तर पछिल्लो समय युवाहरुमा संगठनात्मक हिसावले नेपाल कम्युनिष्ट पार्टी एमालेमा गोलबद्ध हुनै बाँकी छन् । हाम्रो पार्टीले नियमित गतिविधिहरु नगर्दा पनि यो अवस्था आएको हो । हामीसँगै पार्टी संगठन मजबुत बनाउने धेरै सम्भावना छन् । धेरै सदस्यहरु पार्टीको नियमित सम्पर्कमा ल्याउन नसकिएको, कार्यकर्ताको क्षमता अभिबृद्धिका विभिन्न कार्यक्रम र प्रशिक्षण गर्न बाँकी रहेको अवस्था छ ।

 

जनताको जनजीविकाको सवाल उठ्ने गरेको छ । जनता सामुहिक समस्या राख्नेभन्दा पनि आफ्नो जीवन गुजारा गर्नमै ध्यान छ

पार्टीभित्र निर्वाचनमा टिकट नपाएकोजस्ता असन्तुष्टि पालेर बसेका कार्यकर्ताका सम्बन्धमा छलफल र उनीहरुका कुरा सुन्ने समस्या समाधानका लागि पार्टी पंक्तिले पहल गर्न यो मिसन ग्रास रुट अभियान सञ्चालन गरिएको छ । यस्ता अभियानले पार्टीभित्रका समस्या समाधान र जुजारु संगठन निर्माणमा सहयोग पुग्छ ।
केही युवाहरुमा ठूला पार्टीले काम गरेनन् विकल्प खोज्नुपर्छ भन्ने असन्तुष्टि र भ्रम छ । पार्टीले गरेको कामको प्रचार पनि राम्रोसँग हुन सकेको छैन । काम राम्रो भएको छ । तर हामीले प्रचार गर्न सकेनौं जानेनौं । धेरै सञ्चारमाध्यमहरु हाम्रो विरुद्ध मिसनमा लागेकाले पनि यो अवस्था आएको हो ।
नवयुवाबीच पछिल्लो समय पार्टीको उपस्थिती कमजोर हुँदै गएको छ । उनीहरुलाई प्रशिक्षित गर्ने समस्याहरु सुन्ने र समस्या हल गरेर युवा पंक्तिलाई समेत पार्टिले सँगै लिएर अघि बढ्ने र विकाशको मुद्दामा केन्द्रित हुनेतर्फ लाग्नु अत्यावश्यक भइसकेको छ ।
अभियानका क्रममा जनताको घर दैलोमा पुग्दा धेरै कार्यकर्ताको गुनासा व्यक्तिगत लाभ भएन भन्ने सुन्न परेको छ । जनताको जनजीविकाको सवाल उठ्ने गरेको छ । जनता सामुहिक समस्या राख्नेभन्दा पनि आफ्नो जीवन गुजारा गर्नमै ध्यान छ । हामीले जनताको जीवन सुधार्न आर्थिक क्रान्तिको बाटो अवलम्बन गर्नुपर्ने टड्कारो अवस्था देखेका छौं । यो हामी प्रतिपक्षमा रहेसम्म सम्भव हुँदेन । जनताको सवाल सदन र सरकारसम्म पु¥याएर समाधान गर्न हामीले अझ पहल जरुरी देखिएको छ ।
राजनीतिक परिस्थिती र गठबन्धनको अवस्था हेर्दा हामी जुनसुकै बेला निर्वाचनमा जाने अवस्था आउन सक्छ । पुरा अवधि ५ बर्षसम्म चलेको खण्डमा गठबन्धन धेरै बदनाम भएर टुंटिएर जाने अवस्था छ । हामी मिसन ग्रासरुट मार्फत टोल टोलसम्म संगठन विस्तार र अधिवेशन गरेर पार्टी र संगठनलाई बलियो बनाउदै छौं । यस अधियानले संगठन सुदृढ मात्रै होइन पार्टीमा रहेका समस्या समाधान गर्न सहयोग पुग्छ ।

 

पार्टी एकतापछि हामीले नेकपा माओवादीका कार्यकर्तालाई हैसियत भन्दा धेरै महत्व र ठाँउ दिएका कारण संगठनमा समस्या आयो

पार्टी एकतापछि हामीले नेकपा माओवादीका कार्यकर्तालाई हैसियत भन्दा धेरै महत्व र ठाँउ दिएका कारण संगठनमा समस्या आयो । त्यसैबेला हामीमाथि चौतर्फी हमला भयो । पार्टि अध्यक्षलाई हटाउने, नेकपा एमालेलाई निस्तेज बनाउने प्रयास भयो । बैचारिक र साँगठनिक रुपमा केही काम भएनन् ।

प्रशिक्षण र पार्टीको बैठक र संगठन विस्तार नहुँदा भुत्ते संगठन लिएर निर्वाचनमा जानु परेको थियो । यस्तो अवस्थामा पनि हामी समग्रमा दोश्रो र मतको हिसावले पहिलो बनेका छौं । ग्रासरुट अभियान पछि पनि निरन्तर पार्टि संगठनलाई क्रियाशिल बनाउने अभियानहरु चलाउदा पार्टिलाई उचाईमा पु¥याउन सकिन्छ । पुराना पुस्तामा नेकपा एमालेको आर्कषण धेरै छ । तर युवाहरुमा धेरै काम गर्न देखिन्छ ।
नेकपा एमाले सम्बद्ध जनप्रतिनिधिहरुले काठमाडौंका मेयर वालेन शाह र धरानका मेयर हर्क साङपाङले भन्दो धेरै राम्रा काम गरेको उदाहरणहरु छन् । तर ती कामको प्रचार भएनन् । हामीले प्रचार गर्नै जानेनौं । नेकपा एमालेका जनप्रतिनिधिहरुले कामको प्रचार गर्न चासो नदेखाएकाले पनि यसो भएको हो ।
जनप्रतिनिधिहरु निर्वाचन जिनेपछि पार्टीको सम्पर्कमा कम आउदा पनि धेरै कुरामा समस्या आएको छ । हिजो पार्टीले उम्मेदवार उठाउने, खर्च र प्रचारको काम गरेर जिताउने हुँदा पार्टी नजिक हुन्थे । तर आज निर्वाचन खर्च बढ्ने र आफै खर्च गरेर निर्वाचनमा जित्ने कारण पार्टीसँग उनहिरु टाढिउका छन् । हामीले यो अवस्था घटाउनु पर्छ । अवदेखि निर्वाचनमा जनपरिचालनदेखि खर्च परिचालनसम्म पार्टीले नै गर्नुपर्ने सुझाव आएको छ ।
हाम्रो क्षमता भनेकै जनसंगठनहरु हुन् । जनसंगठनको संगठन विस्तार नियमित बैठक र उनीहरुका समस्या सुन्दै समाधान गर्दै जाँदा हामी आफै बलियो बन्छौं । सधै जनतामा रमाउने जनप्रतिनिधिले नै निर्वाचनमा सफलता पाउने हो । मिसन ग्रासरुटपछि ५ बर्षसम्म निरन्तर यस्तै अभियानहरु सञ्चार गर्दै जनतासँग हात्तेमालो गर्ने अवसर पार्टीले श्रृजना गर्नुछ । देशको विकाश हामीबाहेक रुले गर्न सक्दैनन् । हामीसँग देश विकाशको मास्टर प्लान छ ।