२० असार । प्रधानमन्त्री पुष्पकमल दाहाल ‘प्रचण्ड’ले यही सोमबार दिएको एक विवादित अभिव्यक्तिलाई लिएर प्रमुख प्रतिपक्षी नेकपा एमालेले संसदमा विरोध गर्ने भएको छ ।
बुधबार संसद भवन बानेश्वरमा बसेको पार्टी संसदीय दलले प्रधानमन्त्रीको अभिव्यक्तिको विरोध गर्ने निर्णय गरेको सचेतक महेश बर्तौलाले बताए ।
बैठकपछि एमाले सचेतक बर्तौलाले असार १८ गते प्रधानमन्त्रीले देशको स्वाभिमान र सार्वभौम सत्ताविरुद्ध अभिव्यक्ति दिएको भन्दै आपत्ति जनाएको बताए । यो सामान्य विषय नभएको र एमालेले यसको सशक्त विरोध गर्ने उनको भनाइ थियो ।
आइतबार पुस्तक विमोचन कार्यक्रममा प्रधानमन्त्री प्रचण्डले आफूलाई प्रधानमन्त्री बनाउन सरदार प्रितम सिंह बारम्बार दिल्ली गएको बताएका थिए ।
प्रतिक्रिया