धरानका मेयर हर्क साम्पाङबाट प्रभावित हुँदै ऋषिपत्नी एलिजा गौत्तमले त्यागिन् सक्रिय राजनीनि

२१ असार । केही समयअघि नागरिक उन्मुक्ति पार्टी प्रवेश गरेकी अभिनेत्री तथा चर्चित पत्रकार ऋषि धमलाकी पत्नी एलिजा गौत्तमले सक्रिय राजनीतिबाट विश्राम लिएको घोषणा गरेकी छिन् ।
उनलाई पार्टीले महिला विभाग प्रमुखको जिम्मेवारी समेत दिएको थियो ।
अभिनेत्री गौत्तमले धरान उपमहानगरका मेयर हर्कराज राईको कामबाट प्रभावित भएको सामाजिक सञ्जालमार्फत जानकारी दिदै उनले धराने जनताको सुख र सुविधाका लागि अहोरात्र खटिरहेको र उनीप्रति सधैं उच्च सम्मान रहेको उल्येख गरेकी छिन् । भनले भनेकी छिन्,‘देश र जनताको लागि केही गर्छु भन्ने जो कोहीलाई पनि हर्कजी प्रेरणाको स्रोत हुनुहुन्छ ।’
अभिनेत्री गौत्तमले श्रम शिविरस्थल पुगेर प्रत्यक्ष भेटवार्ता गर्ने अवसर मिलेको र निकै खुशी लागेको बताएकी छिन् । उनले मेयरसँग वृक्षरोपण गरेकी थिइन् भनिन् र व्यक्तिगत तर्फबाट १० वटा साबेल पनि प्रदान गरेकी छिन् ।
दलको सक्रिय राजनीति गर्नेहरुलाई एकचोटी धरान आएर मेयर हर्क राईको काम हेर्न अनुरोध समेत गरेकी छिन् ।
सामाजिक कामको सिलसिलामा धरान आएकी अभिनेत्री गौत्तम आगामी दिन समाजसेवामा नै सक्रिय रहने प्रतिबद्धता व्यक्त गरेकी छिन् ।