काठमाडौंको पानीपोखरीमा बसको ठक्करपछि बृद्धाको मृत्यु

चुनदेवी गणेशबस्ती घर भएकी ६० वर्षीया रचना गौचनको बुधबार दिउँसो मृत्यु भएको हो

२१ असार । काठमाडौं महानगरपालिका ३ पानीपोखरीस्थित सडकमा बा.८२ प १२२५नम्बरको मोटरसाइकललाई बा.५ ख ३१९३ नम्बरको बसले ठक्कर दिंदा एक बृद्धाको मृत्यु भएको छ ।
प्रहरीका अनुसार मोटरसाइकलमा सवार सोही महानगरपालिका ४ चुनदेवी गणेशबस्ती घर भएकी ६० वर्षीया रचना गौचनको बुधबार दिउँसो मृत्यु भएको हो ।
ठक्करबाट गम्भीर घाइते भएकी उनको शिक्षण अस्पताल महाराजगञ्ज हुँदै ग्राण्डी अस्पताल टोखामा थप उपचारको क्रममा मृत्यु भएको हो ।
दुबै सवारी साधनको चालकहरुलाई प्रहरीले नियन्त्रणमा लिई अनुसन्धान गरिरहेको जानकारी दिएको छ ।