लेले रत्नपार्क साझा बस सञ्चालन, विद्युतीय बस चलाउने तयारी

जग्गा पहिचान भइसहेको छ । चार्जिङ स्टेशन निर्माण भएपछि विद्युतीय बस थपिन्छ

२१ असार । मध्य ललितपुरको लेलेबाट रत्नपार्कसम्म साझा यातयात चल्न सुरु गरेको छ ।
विहीबार विहान ललितपुरको लेलेबाट ४ वटा बस सञ्चालनमा आएको हो । गोदावरी ५ लेले वसपार्कबाट टिकाभैरव टाहाखेल, चापागाँउ, ठेचो, सुनाकोठी सातदोबाटो, लगनखेल, जावलाखेल, पुल्चोक, कुपण्डोल,त्रिपुरेश्वर, सुधारा हुँदै बस रत्नपार्क रुट चलेको हो ।
ढोलाहिटी चापागाँउ सडक साँधुरो भएको कारण साझ बस चल्न कठीन हुने भन्दै सर्वसाधारणले चासो देखाएका छन् । लामो समयदेखि साझा यातयातले यो रुटमा बस सञ्चालनको तयारी गरे पनि साँघुरो सडक र लेले नल्लुको ढुंगा खानीबाट टिपर चल्ने हुँदा कठीन हुने भन्दै पञ्छिदै आएको थियो ।
गोदावरी नगरपालिकाका नगरप्रमुख गजेन्द्र महर्जनले आज लेले वसपार्कबाट बस सञ्चालनको उद्घाटन गरे । मेयर महर्जनले गोदावरी नगरपालिकाबाट साझा यातायात सहकारी संस्था लिमिटेडमा शेयर लगानी गरि डिजेलबाट चल्ने चार वटा गाडीलाई सञ्चालनमा ल्याएको बताए । उनले के कति प्रतिशत साझा यातयातमा लगानी गरेको भन्ने विषय भने खुलाएनन् ।
गोदावरी नगरपालिकामा चार्जिङ स्टेशन निर्माणसँगै केही समयमै विद्युतीय बस सञ्चालन हुने समेत मेयर महर्जनले खुलासा गरे । उनले भने, जग्गा पहिचान भइसहेको छ । चार्जिङ स्टेशन निर्माण भएपछि विद्युतीय बस थपिन्छ ।
साझा बस सञ्चालनसँगै मध्य तथा दक्षिण ललितपुरमा सार्वजनिक यायतयातको क्षेत्रमा देखिएका बेथितीमा न्युनिकरण हुने आशा जागेको स्थानीयहरु बताउछन् ।