ललितपुरको हात्तिवनमा कलाकर्मीले गरे वृक्षरोपण

२४ असार । ललितपुरको हात्तिवनमा कलाकर्मीहरुले वृक्षरोपण गरेका छन् ।

ललितपुरको सानो हात्तीवनस्थित किरात माङहिम परिसरमा गरिएको वृक्षरोपणमा गायक राजेशपायल राई, अभिनेता आर्यन सिग्देल, लोकदोहोरी कलाकार रीता थापामगर, दुर्गा रायमाझी, दीपक खड्का, पूर्णकला विसी, शिरिष देवकोटा, दामोदर भण्डारीलगायत सहभागी थिए ।

“आजको सुरुआत वृक्षरोपणबाट भयो । यिनको संरक्षणमा ध्यान दिनु आवश्यक छ”, अभिनेता सिग्देलले भने । किरात समाज महालक्ष्मी नगरपालिकाले आयोजना गरेको कार्यक्रममा ज्याकारान्डा, धुपीलगायत जातका बिरुवा रोपिएको थियो ।
बृक्षारोपण कार्यक्रममा संस्कृती तथा पर्यटन मन्त्री गोपाल किराँती समेत सहभागी थिए ।