चलचित्र ‘बगान’ आजबाट प्रर्दशनमा, ‘विहे पास’ पुर्नप्रर्दशन

२९ असार । आजबाट अभिनेता सरोज खनालको डेव्यु निर्देशनमा बनेको चलचित्र ‘बगान’ प्रर्दशनमा आएको छ भने अभिनेता दायाहाङ राई र अभिनेत्री प्रकृति श्रेष्ठको अभिनय रहेको ‘बिहे पास’ पनि पुर्नप्रर्दशन हुँदैछ ।
एकल महिलाको कथामा बनेको चलचित्रको भूमिकामा अभिनेत्री करिष्मा मानन्धर रहेकी छिन् । एकल महिलाको पुर्नविवाहमा आधारित कथा रहेको चलचित्रमा नवअभिनेत्री प्रमिला कार्की रहेकी छिन् । चलचित्रमा अतिथी अभिनेताको भूमिकामा आकाश श्रेष्ठ छन् ।
लामो समय रगतपटमा अभिनेताको रुपमा विताएका नव निर्देशक सरोज खनालको यो निर्देशकीय परिक्षाको रुपमा लिइएको छ । पछिल्लो समय नेपाली चलचित्र चल्न छोडेको अवस्थामा चलचित्र ‘बगान’ले बहार ल्याउने अपेक्षा गरिएको छ ।
चलचित्र एकल महिलाहरुलाई देशभरका चलचित्र भवनमा निः शुल्क देखाइने निर्माण पक्षले बताएको छ ।
स्वप्न नीरवले लेखेको कथामा अभिनेता सरोज खनालले पनि खेलेका छन् । करिष्मा मानन्धर,नीर शाह,प्रमिलका कार्की, मिथिला शर्मा, बसुन्धरा भुषाल, आकाश श्रेष्ठलगायतका कलाकारको अभिनय हेर्न सकिन्छ ।
चलचित्र नेपाली वेबसाइट डटकमसँग केबी फिल्म्सले सहकार्य गरेको छ । चलचित्र ‘बगान’का कार्यकारी निर्माता विनोद मानन्ध रहेका छन् निर्माता भने सुरेश वाग्ले हुन् ।
गत बैशाख १ गते प्रदर्शन भएको चलचित्र ‘बिहे पास’ हल मालिकहरुले आवश्यक हल उपलव्ध नगराएको भन्दै स्थगन भएको थियो ।