काठमाडौंको मण्डिखाटारमा एक युवकको करेन्ट लागेर मृत्यु

ग्रिल पसलमा वेल्डिङ गर्ने क्रममा करेन्ट लागेर गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो

३० असार । काठमाडौंको मण्डिखाटारमा एक युवकको करेन्ट लागेर मृत्यु भएको छ । प्रहरीका अनुसार काठमाडौं बुढानिलकण्ठ नगरपालिका ९ मण्डिखाटार बस्ने सिन्धुपाल्चोक बलेफी ३ स्थाई घर भएका २३ वर्षीय सुजन श्रेष्ठको करेन्ट लागेर शुक्रबार बिहान मृत्यु भएको छ ।
बुढानिलकण्ठ ९ मण्डिखाटारस्थित ग्रिल पसलमा वेल्डिङ गर्ने क्रममा करेन्ट लागेर गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।