काठमाडौंमा २ जना मृत फेला

२ साउन । काठमाडौंका दुई स्थानमा दुई जना मृत फेला परेका छन् । काठमाडौंको माछापोखरीस्थित न्यू भण्डारी खाजा घर नजिक एक जना र कुलेश्वरबाट सानेपा जाने पुल छेउँमा एक जना गरी दुई जना मृत फेला परेका हुन् ।

माछापोखरीमा बुढानीलकण्ठ नगरपालिका घर भई काठमाडौं महानगरपालिका १६ बोहोराटार बस्ने २८ वर्षीय सुविन थिङ्ग र काठमाडौं महानगरपालिका १४ कुलेश्वरस्थित सानेपा जाने पुलको छेउमा नाम, ठेगाना नखुलेका अन्दाजी ५० वर्षीय पुरुष सोमबार मृत अवस्थामा फेला परेका प्रहरीले जनाएको छ ।