रास्वपाद्वारा सार्वजनिक महत्वको प्रस्ताव दर्ता

१० साउन । राष्ट्रिय स्वतन्त्र पार्टी (रास्वपा)ले सुन तस्करी प्रकरणमा निष्पक्ष छानबिनको माग गर्दै संसदमा सार्वजनिक महत्वको प्रस्ताव दर्ता गराएको छ । रास्वपाले नेपाल सुन तस्करीको हब बन्दै गएकोमा सरकारको जवाफ माग्दै प्रस्ताव दर्ता गराएको हो ।

प्रस्तावमा सुन तस्करीको विषयलाई लिएर सरकार जवाफदेही बन्नुपर्ने र संसदमा गृहमन्त्रीले जवाफ दिनुपर्ने माग गरिएको छ ।

सुन प्रकरणको छानबिनको माग गर्दै लोकतान्त्रिक पद्धतिलाई सहयोग गर्नका लागि संकल्प प्रस्ताव दर्ता गराइएको बताउँदै रास्वपले गृहमन्त्री र अर्थमन्त्रीको राजीनामा नमाग्ने बताएको छ ।

प्रस्तावमा एक सय क्वीन्टल सुन तस्करीको घटनाले त्रिभुवन अन्तर्राष्ट्रिय विमानस्थल भन्सारको प्रभावकारितामाथि प्रश्न उठाएको उल्लेख गरिएको छ ।