दक्षिण ललितपुरका एसइइ उर्तिण विद्यार्थीलाई सम्झना सहकारीद्वारा सम्मान र पुरस्कार

३१ साउन । चापागाँउमा केन्द्र बनाएर दक्षिण ललितपुरको कृषि क्षेत्रमा योगदान दिइरहेको सम्झना कृषि सहकारीले एसइइ उर्तिण शेयर सदस्य परिवारका सदस्यलाई सम्मान र पुरस्कार वितरण गरेको छ ।
चापागाँउमा आयोजित कार्यक्रममा सहकारीले विभिन्न विद्यालयबाट २०७९ सालका व्याचमा एसएलसी ५० जना विद्यार्थीलाई सम्मान गरेको थियो । सहकारीले एसएलसी उतिर्ण विद्यार्थीहरुलाई १ हजार रुपैयाँको शेयर निशुल्क वितरण गरेको छ ।
सहकारीले कृषि सहकारीमा आबद्ध कृषक सदस्यहरुलाई हरेक बर्ष निः शुल्क विउविजन र अनुदानमा कृषि सामाग्री वितरण गर्दै आएको छ ।
जिल्लाभर ८५ वटा कृषि समूहमार्फत आर्थिक कृयाकलाप गर्दै आएको छ ।
११ औं बार्षिकउत्सवको सन्दर्भ पारेर सहकारीले केक काटेको थियो ।
सहकारीका कार्यकारी प्रमुख पुरुषोत्तम हुमागाईले कृषि कम्पनीसँग जोडिएर सदस्यहरुलाई सुविधा दिने कार्यक्रम घोषणा गरेका छन् । उनले भने, ‘सहकारीको बचतकर्ताको पैसा सुरक्षाका लागि कडाई गरेका छौं ।यो सहकारीका सदस्यहरुकै हितका लागि गरेका हौं’ ।
कार्यक्रममा सहकारीका अध्यक्ष चुडाप्रसाद घिमिरेको सदस्यहरुको बचतलाई सुरक्षित बनाएर संस्थालाई अघि बढाउने प्रतिबद्धता व्यक्त गरे । उनले भने, ‘पुरुषले महिलाहरुको स्वरोजगार बनाउन योगदान दिन पाउदा गर्व लाग्छ ।’ सबै मिलेर सहकारीलाई राम्रो बनाउन जरुरी रहेको अध्यक्ष घिमिरेको भनाई थियो ।