अभिनेत्री स्वस्तिमाले हाँसी हाँसी जवाफ दिइन्, निर्देशक कृषा रिसाइन् (भिडियो)

ललितखबर
३१ साउन । कही कतै पाहुनाको रुपमा निम्ता गर्दै बोलाएर तपाईसँग घर मालिक रिसायो भने तपाईलाई कस्तो होला ? ठिक केही दिनअघि राजधानीमा आयोजित पत्रकार सम्मेलनमा निम्ता गर्ने चलचित्र अ‍ैचो पैचोकी निर्देशक कृषा चौलागाईको व्यावहारले पत्रकारहरु न्याउरो मुख लगाए ।
सन्दर्भ थियो, चलचित्र ऐचो पैचोको ट्रेलर सार्वजनिक कार्यक्रम । चलचित्रको संचार संयोजक मार्फत पत्रकारहरुलाई निम्ता गरेर बोलाइयो । सबै पत्रकार कार्यक्रममा पुगे । डेढ घण्टा ढिलो गरि कार्यक्रम सुरु भयो ।
आयोजकले पालै पालो धारणा राखेपछि पत्रकारको प्रश्न गर्ने पालो आयो । पत्रकारको प्रश्नमा अभिनेत्री स्वस्तिमाले हाँसी हाँसी जवाफ दिइन् । तर निर्देशक कृषा चौलागाई भने रिसाइन् ।
निर्देशक चौलागाईसँग एक पत्रकारले अभिनेत्री बर्षाले अभिनय गरेको दृश्यहरु काटेको विषयमा प्रश्न गरेपछि निर्देशक आक्रोसित बनिन् । उनले कसले भन्यो ? तपाईले पत्रकारलाई कुरा लगाएको हो भन्दै हप्की दप्की लगाइन् । उनले पत्रकारले सोधेको प्रश्न समेत आज नसोध्नुस् र प्रिमियरको दिनमात्रै सोध्न भनिन् ।

 

यहाँ एकले अर्काको खुट्टा तानातान गरेर कसले के पाउँछ र ?

पत्रकारले सोधेको प्रश्नमा निर्देशक चौलागाईले आफू फेल भए फेरि उठ्न नपाउने भनेर संविधानमा लेखेको छ र भन्दै प्रश्न गरिन् ।
पुर्वमन्त्री प्रेम आलेले चलचित्रमा आफुलाई लिएको भए झन् राम्रो बनाउन सघाउने बताए ।
अभिनेत्री स्वस्तिमा खड्काले आफूले गसिपको भरमा चलचित्र चलाउने कोसिस नगरेको स्प्रष्टिकरण दिइन् । उनले भनिन्, ‘गसिप मार्केटिङ होइन ।’
अभिनेता कोशिश क्षेत्रीले चलचित्र व्यापार भएको धारणा राख्दै चलचित्र चलाउन साम दाम दण्ड भेद सबै लगाउनु पर्ने बताए । उनले भने, ‘यहाँ एकले अर्काको खुट्टा तानातान गरेर कसले के पाउँछ र ? ’

हेर्नुस् भिडियो :