संसदको गतिरोध अन्त्य गर्न संवादलाई तीव्रता दिने सत्ता गठबन्धनको निर्णय

३१ साउन । सत्ता गठबन्धनका तीन शीर्ष नेताहरुबीच छलफल भएको छ । बुधबार बिहान प्रधानमन्त्रीको सरकारी निवास बालुवाटारमा बसेको बैठकमा एमालेले गरिरहेको संसद अवरोध खुलाउने विषयमा छलफल भएको हो ।
बैठकले संघीय संसदका दुवै सदनमा प्रमुख प्रतिपक्षी दल नेकपा एमालेले गरिरहेको अवरोध हटाउनका लागि संवादलाई तीव्रता दिने निर्णय गरेको छ ।
बैठकमा माओवादी केन्द्रका अध्यक्ष समेत रहेका प्रधानमन्त्री प्रचण्ड, नेपाली कांग्रेसका सभापति शेरबहादुर देउवा, नेकपा एकीकृत समाजवादीका अध्यक्ष माधवकुमार नेपालका साथै उपप्रधानमन्त्रीद्वय पूर्णबहादुर खड्का र नारायणकाजी श्रेष्ठ लगायतका नेताहरू सहभागी थिए ।
एमालेले सुन तस्करी प्रकरणमा उच्चस्तरीय छानबिन समिति गठन गर्न माग गर्दै निरन्तर संसद अवरोध गर्दै आएको छ ।