नयाँबानेश्वरबाट ५८ थान नक्कली नोटसहित दुई जना पक्राउ

३२ साउन । काठमाडौंको नयाँबानेश्वरबाट नक्कली नोट छाप्ने २ जना पक्राउ परेका छन् । प्रहरी वृत्त नयाँबानेश्वरबाट खटिएको टोलीले बिहीबार पञ्चकुमारी मार्गको एक कोठाबाट २५ वर्षीय दिलिप राईलाई पक्राउ गरेको हो ।
बुधबार प्रहरीले सोही आरोपमा विजय बस्नेतलाई पक्राउ गरेको थियो । बस्नेतलाई सोधपुछ गर्दा नक्कली नोट छाप्ने काम भइरहेको खुलेपछि उनकै माध्यमबाट प्रहरीले बिहीबार उक्त स्थानमा छापा मारेको थियो । त्यो कोठामा दुई वटा डेक्सटप र ३ वटा प्रिन्टर राखेर उनीहरूले पाँच सय र एक हजारका सक्कली नोटबाट नक्कली नोट छाप्ने गरेका खुलेको छ । उनीहरूको साथबाट रु ५ सयका‍‍ २१ थान र १ हजारका ३७ थान गरी ४७ हजार ५ सय मूल्यका जम्मा ५८ थान नक्कली नोट फेला परेका छन् । उक्त स्थानबाट प्रहरीले क्यानन कम्पनीको फोटोकपी मेसिन, सेतो पेपर र कैँचीलगायतका सामान पनि बरामद गरेको छ ।