ललितपुरको महालक्ष्मीस्थान र गौरीघाटमा एक एक जना मृत फेला

३ भदौ । ललितपुरको महालक्ष्मीस्थान र काठमाडौंको गौरीघाटमा एक एक जना मृत अवस्थामा फेला परेका छन् ।
प्र्रहरीका अनुसार ललितपुर महानगरपालिका ५ महालक्ष्मी मन्दिर अगाडि सडक पेटीमा हाल नाम, थर, वतन नखुलेका अन्दाजी ५५ वर्षीय पुरुष शनिबार मृत अवस्थामा फेला परेका छन् ।
साथै प्रहरीले काठमाडौं महानगरपालिका ८ गौरीघाटस्थित सडक पेटीमा सोही महानगरपालिका ७ चाबहिल डेरा गरी बस्ने धादिङ धुनिबेशी नगरपालिका ७ घर भएका १९ वर्षीय जेशन तामाङलाई मृत अवस्थामा फेला परेको छ ।
घटनाहरुका सम्बन्धमा प्रहरीले आवश्यक अनुसन्धान गरिरहेका जानकारी दिएकोे छ ।