रेखा थापाको फिल्म ‘उपहार : द जर्नी अफ लाइफ’को शुभसाइत

७ भदौ । रेखा फिल्म्स र कपनगढी ब्यानरले संयुक्त रुपमा निर्माण गर्न लागेको फिल्म ‘उपहार : द जर्नी अफ लाइफ’को शुभसाइत पशुपतिमा गरिएको छ । कास्ट एण्ड क्रिउको उपस्थितिमा फिल्मको मुहूर्त गरिएको हो ।

उनका अनुसार लगातारको झरीले फिल्मको छायांकन सोमबारदेखि हुनेछ । ४० दिनको सेड्युल तय गरिएको छायांकन काठमाडौंमा हुनेछ । रेखा थापा, बेनिशा हमाल, पूजा शर्मा, मुकुन भुसाल, तेज गिरी, समर्पणजंग कार्की, शिशिर राना, अंशु थापा लगायतका कलाकार छन् । अर्जुन पोखरेल र बाबुल गिरीको संगीत निर्देशन, कविराज गहतराजको नृत्य निर्देशन, विष्णु कल्पितको छायांकन, रोशन श्रेष्ठको एक्सन कोरियोग्राफी र देव गुरुङको सम्पादन हुनेछ ।