भक्तपुरको चार दोवाटोका तरकारी पसलहरुमा श्रृखलाबद्ध चोरी

भक्तपुरको चारदोवाटो तरकारी बजारमा श्रृखलाबद्ध रुपमा चोरी लाखौं रुपैया नगद चोरी चएको छ ।
प्रहरीका अनुसार मध्यपुरठिमी नगरपालिका ३ चारदोबाटोस्थित अन्नपुर्ण बहुमुखी सहकारी संस्थाले संचालन गरेको अन्नपूर्ण तरकारी बजारको पसलहरुबाट चोरी भएको हो ।
मोरङ सुन्दरहरैचा नगरपालिका २ घर बएका ४० वर्षीय कृष्ण राज खड्काको काउन्टरबाट नगद २ लाख रुपैयाँ र बारा पर्सा गाउँपालिका १ घर भएका ३५ वर्षीय वीरेन्द्र चौधरीको पसलबाट नगद २५ हजार रूपैयाँ आइतबार चोरी भएको प्रहरीले जानकारी दिएको छ ।
बजारमा चोरीको सूचनापछि प्रहरी वृत्त ठिमीबाट खटिएको प्रहरीले चोरीमा संलग्न हाल फरार व्यक्तिहरूको खोजी गर्नुको साथै चोरी सम्बन्धमा आवश्यक अनुसन्धान गरिरहेको जानकारी दिएको छ ।