‘ह्यासट्याग माया’की असिस्टेन्ट डाइरेक्टर भन्छिन्,‘मायाको नाममा नौटंकी गर्दै सबैको अघि चर्तिकला देखाइयो’

१२ भदौ । अभिनेता सारुक ताम्राकारको निधनपछि चलचित्र ‘ह्यासट्याग माया’को निर्माण रोकिएको छ । ठूलो खर्चसँगै निर्माणाधिन यस चलचित्रमा ज्यादा खर्च गराएको तथ्य चलचित्रकी सहायक निर्देशक शान्ति तामाङले सामाजिक सञ्जालमा लेखेकी छिन् ।
चलचित्रको धेरै सिन खिचिसकिएको छ । चलचित्र अभिनेता ताम्रकारको निधनपछि चलचित्र परा हुने सम्भावना कम छ ।

यसैक्रममा, ‘ह्यासट्याग माया’की असिस्टेन्ट डाइरेक्टर शान्ति तामाङले नाम उल्येख नगरी चलचित्रकी अभिनेत्री नम्रता श्रेष्ठप्रति लक्षित गर्दै विभिन्न आरोप लगाएकी छन् । उनले फेसबुकमा २४ वटा बुँदामा स्टाटस लेख्दै कसैको नाम उच्चारण नगरी व्यक्तिगत टिस्यूदेखि मसाजको बिलसम्म निर्मातालाई तिर्न लगाएको उल्लेख गरेकी छन् । आफ्नै सहकर्मीलाई गिराएर सबैको अघि गाली–बेइज्जती गरेको आफूले देखेको उनको भनाई छ ।
उनले चलचित्र छायांकनको क्रममा कस्ट्युम डिजाइनरलगायत विभिन्न व्यक्तिहरु परिवर्तन गराएको अनावश्यक सरसामान मगाएको कथा नै परिवर्तन गर्न लगाएर हैरान गरेको समेत उल्येख गरेकी छिन् ।

‘मायाको नाममा नौटंकी गर्दै सबैको अघि चर्तिकला देखाउँदै बसेको र माया गर्ने मान्छे छेउमा बसेर टुलुटुलु हेरिरहेको पनि देखियो । सोझो मान्छेको मुखमा कतिसम्म घोचो गर्दोरहेछ मौका पायो भने मान्छेले, त्यो पनि हेरियो र भोगियो,’ उनले लेखेकी छन्, ‘सेटमा आउने टाइमशीटको समयलाई लात मारेर बिहान ८ बजे बोलाएको छ भने दिउँसो २ बजे आएर सुट स्टार्ट भएको पनि यहीँ देखेँ ।’
फिल्मकी अभिनेत्री नम्रता श्रेष्ठको बारेमा निर्देशक राजीव गुरुङ विभिन्न तथ्यहरु सार्वजनिक गरेका छन् ।

यस्तो छ उनको आरोप :