भक्तपुरबाट एटिएम मेसिन तोडफोड गरेर पैसा चोर्न खोज्ने युवक पक्राउ

भक्तपुर
१४ भदौ । भक्तपुरबाट एटिएम मेसिन फोरेर पैसा चोर्न खोज्ने युवक पक्राउ परेका छन् ।
प्रहरीका अनुसार भक्तपुर नगरपालिका १० कमलबिनायक भत्केको पाटीस्थित नबिल बैंकको एटिएम मेसिन तोडफोड गरेपछि दाङ बबई गाउँपालिका २ बस्ने २४ वर्षीय पूर्ण बहादुर खासुलाई गएराति प्रहरीले पक्राउ गरेको छ ।

प्रहरी वृत्त जगाती भक्तपुरबाट खटिएको प्रहरीले उनलाई एटिएम मेसिन तोडफोड गरी चोरी गर्न खोजेको अवस्थामा फेला पारी पक्राउ गरेको थियो ।
उनको साथबाट १ थान मार्तल, १ थान फलामको रड र १ थान ह्याक्सो प्रहरीले बरामद गरेको छ ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।