दिपक दिपाको हल आईएनआई हलले नेपाली चलचित्रका निर्मातालाई ५० प्रतिशत पैसा दिने

ललितखबर
२९ भदौं । राजधानीको बानेश्वरमा आजदेखि शुभारम्भ भएको आएनआई मल्टिप्लेक्स चेनले नेपाली चलचित्रका निर्मातालाई चलचित्र देखाए वापत टिकटको ५० प्रतिशत पैसा दिने घोषणा गरिएको छ ।
निर्माता, कलाकार तथा हल सञ्चालक दिपकराज गिरीले नेपाली चलचित्रका निर्मातालाई ५० प्रतिशत रकम दिने घोषणा गरे । उनले निर्माताहरुलाई हल सञ्चालकहरुले निर्मातालाई थोरै रकम दिने गरेको भन्दै असन्तुष्टि भइरहेको सन्दर्भमा आफ्नो समूहले नेपाली चलचित्रलाई विशेष सहयाग गर्ने बताए ।

नेपाली निर्माताहरुले हलले बचाउनु पर्ने र हलले पनि नेपाली चलचित्र क्षेत्र बचाउन सहयोग गर्नु पर्ने उनले बताए । चलेका नेपाली चलचित्रलाई अन्याय नहुने हल सञ्चालक गिरीले बताए ।

अभिनेता हरिबंश आचार्यले आफूहरुले गर्न नसकेको काम दिपक दिपाको समूहले गरेको भन्दै बधाई दिए ।
नेपाल उद्योग बाणिज्य महासंघका अध्यक्ष चन्द्र ढकालले आफू चप्पल लगाएर उद्यम क्षेत्रमा प्रवेश गरेको सम्झदै कलाकार दिपक दिपा शुन्यबाट माथि उठेर हल मालिक बनेको भन्दै बधाई दिए ।