विजय अर्यालको ‘न्यानो साथ’ सार्वजनिक

काठमाडौँ
५ असोज । गायक विजय अर्यालको नयाँ गीत ‘न्यानो साथ’ सार्वजनिक गरिएको छ । अर्यालसहित यस गीतमा बेनिशा पौडेलको सुमधुर आवाज सुन्न सकिन्छ ।
राकेश शाहको निर्माणमा बनेको यस म्युजिक भिडियोलाई आदर्श प्रडक्सनको व्यानरमा निर्माण गरिएको हो । भिडियोमा शाहिल खान र आशिका दाहालको रोमान्स देख्न सकिन्छ ।

भिडियोलाई विज्ञान राईले निर्देशन, मिलन श्रेष्ठले सम्पादन र सञ्जय लामाले छायाँकन गरेका हुन् ।

विजय अर्यालको शब्द तथा सङ्गीत रहेको गीतमा अर्यालले वेनिशासंग मिलेर आवाज दिएका छन्। गायक अर्यालले यसअघि रामजी ज्ञवालीको चर्चित सर्ट फिल्म हनिमुनमा समावेश एक गीतमा पनि आवाज दिएका थिए । उक्त सर्ट फिल्म सार्वजनिक भएपछि गायक अर्यालको चर्चा चलेको थियो ।