इन्द्रजात्रामा काठमाडौंका यी सडकमा सवारी आवागमन प्रभावित हुने

९ असोज । न्द्रजात्राको अवसरमा असोज ११ गतेदेखि काठमाडौंका विभिन्न सडकमा सवारी आवागमन प्रभावित हुने भएको छ । काठमाडौँ महानगरले आज एक सूचना जारी गर्दै सांस्कृतिक, ऐतिहासिक, पुरातात्त्विक महत्वको पर्वका कारण विभिन्न ठाउँमा सवारी साधन प्रवेशमा रोक लगाइएको जनाएको छ ।

सूचना अनुसार असोज ११ गते काठमाडौंको वसन्तपुर, मरु, चिंकमुगल, जैसीदेवल, लगन, ब्रह्मटोल, ह्युमत, कोहिटी, भीमसेनस्थान, मरु हुँदै वसन्तपुरसम्म सवारी साधन चलाउन रोक लगाइएको छ । ।
असोज १२ गते वसन्तपुर, प्याफल, यट्खा, नरदेवी, टेंगल, न्ह्योखा, न्हेकतला, असन, मच्छिन्द्रबहाल, इन्द्रचोक, मखन, हनुमान ढोका हुँदै वसन्तपुर क्षेत्रमा सवारी साधन सञ्चालन गर्न पाइने छैन ।