पक्राउ परे अभिनेता अनमोल केसी

१२ असोज । अभिनेता अनमोल केसी पक्राउ परेका छन् । अपराधिक विश्वासघात गरेकाे आरोपमा अभिनेता केसी पक्राउ परेका हुन् । उपत्यका अपराध अनुसन्धान कार्यालय, काठमाडौंको टोलीले साँगाबाट उनलाई पक्राउ गरेको हो ।
अभिनेता केसीले फिल्म ‘रावायण’ खेल्छु भनेर बैंक ट्रान्सफरमार्फत १० लाख रुपैयाँ लिएको र फिल्म खेल्न नमानेका कारण फिल्मकी निर्माता सुप्रिया कटुवालले प्रहरी अपराध महाशाखा बानेश्वरमा असाेज ८ गते उजुरी दिएकी थिइन् । सोही उजुरीका आधारमा अभिनेता केसी पक्राउ परेका हुन् ।